Huquqbuzarliklarning oldini olish bo‘yicha tizimli ishlar davom etmoqda

Termiz davlat pedagogika institutida talaba-yoshlar o‘rtasida huquqbuzarliklarning oldini olish, ularning yashash sharoitlarini yaxshilash hamda xavfsizlikni ta’minlash maqsadida tizimli o‘rganish ishlari olib borilmoqda.

Jumladan, Termiz tumani “Yangiobod” MFY hududida ijarada istiqomat qilayotgan talabalar xonadonlariga tashrif buyurilib, ularning yashash sharoitlari o‘rganildi.

O‘rganish jarayonida talabalarning ijara shartnomalari mavjudligi, yashash joylarida jamoat tartibi va ichki intizomga rioya etilishi holati ko‘zdan kechirildi.

Shuningdek, mas’ul xodimlar tomonidan talabalar bilan huquqbuzarliklarning oldini olish, jinoyatchilikka qarshi kurashish, shaxsiy xavfsizlik qoidalariga amal qilish yuzasidan profilaktik suhbatlar o‘tkazildi.

Talabalarga qonunchilik talablariga rioya qilish, ijtimoiy muhitda o‘zini tutish madaniyatini oshirish hamda turli salbiy holatlarning oldini olish bo‘yicha zarur tavsiyalar berildi.