Termiz davlat pedagogika institutida “Rektor kubogi” doirasida tashkil etilgan “Ma’rifat maydoni” ko‘rik-tanlovining 2-tur bosqichi bo‘lib o‘tdi.
Unda Tabiiy va aniq fanlar fakulteti hamda Jismoniy madaniyat va san’at fakultetining faol, intellektual salohiyati yuqori talaba-yoshlari tarix, adabiyot, zamonaviy bilimlar va mantiqiy fikrlash yo‘nalishlarida o‘z bilim va iqtidolarini namoyish etdilar.
Tanlov jarayonida ishtirokchilar o‘zaro bilimlar bellashuvida faol qatnashib, jamoaviy hamjihatlik, tezkor fikrlash va keng dunyoqarashlarini namoyon etdilar.
2-tur natijalariga ko‘ra:
- Tabiiy va aniq fanlar fakultetining “Jadid izdoshlari” jamoasi — 21.1 ball;
- Jismoniy madaniyat va san’at fakultetining “Ma’rifat yulduzlari” jamoasi — 20.5 ballni qo‘lga kiritdi.
Shuningdek, quyidagi fakultet jamoalari tanlovning final bosqichiga yo‘llanmani qo‘lga kiritdilar:
✅ Pedagogika va ijtimoiy fanlar fakulteti 23.3 ball;
✅ Tabiiy va aniq fanlar fakulteti 21.1 ball;
✅ Jismoniy madaniyat va san’at fakulteti 20.5 ball;
✅ Maktabgacha va boshlang‘ich ta’lim fakulteti 20.5 ball.
Barcha ishtirokchilarga keyingi bosqichlarda omad tilaymiz!