Taʼlim sifatini baholash bo‘yicha Umummilliy so‘rovnoma tashkil etildi

O‘zbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi tomonidan oliy taʼlim muassasalarida taʼlim sifati holatini baholash hamda taʼlim jarayoni ishtirokchilarining fikr-mulohazalarini o‘rganish maqsadida Umummilliy so‘rovnoma o‘tkazilibkelinmoqda.

 Agentlikning masʼul vakillari tomonidan Termiz davlat pedagogika institutida faoliyat yuritayotgan professor-o‘qituvchilar va xodimlar ishtirokida taʼlim sifati, o‘quv jarayonining samaradorligi, pedagogik faoliyatning holati hamda mehnat faoliyati uchun yaratilgan shart-sharoitlar yuzasidan so‘rovnomalar o‘tkazdilar. Shuningdek, bevosita muloqot jarayonida taʼlim tizimini yanada takomillashtirishga doir taklif va mulohazalar tinglandi.

 Mazkur so‘rovnoma taʼlim sifatini oshirish, o‘quv jarayonini samarali tashkil etish hamda taʼlim muassasalarida faoliyat yuritayotgan kadrlar salohiyatini rivojlantirishga qaratilgan muhim maʼlumotlarni jamlashga xizmat qilmoqda. Bildirilgan fikr va takliflar kelgusida sifatli taʼlimni taʼminlashga yo‘naltirilgan qarorlar qabul qilishda muhim asos bo‘lib xizmat qiladi.