KORRUPSIYAGA QARSHI KURASHISH — BARCHAMIZNING BURCHIMIZ!

Termiz davlat pedagogika institutida ochiqlik, shaffoflik va qonuniylik tamoyillariga qat’iy rioya etish, ta’lim jarayonida korrupsiyaviy holatlarning oldini olish hamda jamoatchilik nazoratini kuchaytirish ustuvor vazifalardan biri hisoblanadi.

Bugungi kunda korrupsiyaga qarshi murosasiz kurashish, adolat va halollik muhitini qaror toptirish har bir fuqaroning fuqarolik burchidir. Shu bois institut jamoasi barcha professor-o‘qituvchilar, xodimlar, talabalar hamda fuqarolarni korrupsiyaga qarshi kurashishda faol bo‘lishga chorlaydi.

Agar Siz institut faoliyati bilan bog‘liq korrupsiya, manfaatlar to‘qnashuvi, noqonuniy talab, ta’magirlik yoki boshqa shubhali holatlarga duch kelsangiz, befarq bo‘lmang!

Bu kabi holatlar yuzasidan O‘zbekiston Respublikasi Korrupsiyaga qarshi kurashish agentligining 1253 qisqa ishonch telefoni orqali murojaat qilishingiz mumkin.

Har bir murojaat muhim. Sizning murojaatingiz adolatni ta’minlash, qonuniylik muhitini mustahkamlash va korrupsiyaning oldini olishga xizmat qiladi.

Xabar bering — adolatni ta’minlashga hissa qo‘shing!