Tabiat qo'ynida bilim va tajriba

Termiz davlat pedagogika instituti Tabiiy va aniq fanlar fakulteti Biologiya ta’lim yo‘nalishi talabalari Oltinsoy tumanida o‘quv-dala amaliyotini o‘tamoqda.

Amaliyot jarayonlarida talabalar tumandagi "Katta Vaxshivor" hududida joylashgan “Tomchi buloq”, “Hayrondara” hamda “Sharshara” kabi tabiiy maskanlarda bo‘lib, hududning flora va fauna dunyosini bevosita kuzatish hamda bioxilma-xillikni ilmiy jihatdan o‘rganish imkoniyatiga ega bo‘lishmoqda.

Aytish mumkinki, bu kabi amaliyot jarayonlari talabalarning nazariy bilimlarini amaliyot bilan mustahkamlaydi, yosh mutaxassislarning kasbiy ko‘nikmalarini oshiradi, ilmiy kuzatuv va tadqiqot tajribasini shakllantiradi va ta’lim jarayonida zamonaviy va amaliy yondashuvlarni rivojlantirib, institutning ilmiy-amaliy faoliyati hamda nufuzini oshirishga xizmat qiladi

Mazkur jarayonlar mas'ullar tomonidan nazorat qilib borilmoqda.