O'zbekiston bo'ylab sayohat

Termiz davlat pedagogika instituti rektori A.Xasanov tashabbusi bilan amalga oshirilayotgan “O‘zbekiston bo‘ylab sayohat” dasturi doirasida institut talabalari Samarqand shahrida joylashgan yangi “Imom al-Buxoriy” majmuasiga tashrif buyurishdi.

Tashrif davomida talaba-yoshlar majmuadagi tarixiy obidalar, muzey eksponatlari hamda buyuk muhaddis Imom al-Buxoriyning boy ilmiy-ma’naviy merosi bilan yaqindan tanishdilar. Shuningdek, ularga allomaning hadis ilmi rivojiga qo‘shgan ulkan hissasi hamda yurtimizda milliy va ma’naviy qadriyatlarni asrab-avaylash borasida amalga oshirilayotgan islohotlar haqida batafsil ma’lumot berildi.

Sayohat davomida talabalar majmuada saqlanayotgan noyob qo‘lyozmalar, tarixiy manbalar hamda ajdodlarimizning boy ilmiy merosi bilan yaqindan tanishish imkoniga ega bo‘ldilar.

Mazkur tashrif talabalarning ma’naviy bilim va dunyoqarashini kengaytirish, ularda ajdodlar merosiga hurmat, milliy qadriyatlarga sadoqat hamda vatanparvarlik tuyg‘ularini yanada mustahkamlashga xizmat qildi.