Kampus yashil hududlarida parvarish ishlari olib borildi

Termiz davlat pedagogika institutida kampus hududlarini obodonlashtirish, yashil maydonlarni parvarish qilish hamda organik va bog‘ chiqindilarini tartibli yig‘ish bo‘yicha amaliy ishlar olib borilmoqda.

Institut hududidagi gulzorlar, daraxtlar atrofi va yashil maydonlarda begona o‘tlarni tozalash, qurigan shox-shabba va o‘simlik qoldiqlarini yig‘ish ishlari tashkil etildi. Jarayonda talabalar va mas’ul xodimlar ishtirok etib, hududning sanitariya holatini yaxshilash va yashil muhitni saqlashga hissa qo‘shdilar.

Yig‘ilgan organik, bog‘ va yashil hudud chiqindilarini alohida jamlash amaliyoti kampusda tozalikni ta’minlash, chiqindilarni tartibli boshqarish hamda talabalar orasida ekologik mas’uliyat madaniyatini shakllantirishga xizmat qiladi.