El-yurt umidi

Termiz davlat pedagogika institutiga biriktirilgan umumta’lim maktablarida faoliyat yuritayotgan pedagog xodimlar va o‘qituvchilar o‘rtasida El-yurt umidi jamg‘armasi tomonidan taqdim etilayotgan xorijiy ta’lim va kasbiy rivojlanish imkoniyatlari yuzasidan muntazam targ‘ibot-tashviqot ishlari olib borilmoqda. Xususan, jamg‘arma orqali xorijiy davlatlarning nufuzli ta’lim muassasalari va ilmiy markazlarida malaka oshirish hamda stajirovka o‘tash imkoniyatlari, tanlovlarda ishtirok etish talablari, nomzodlarga qo‘yiladigan mezonlar, hujjat topshirish tartibi, saralash bosqichlari va grant asosida taqdim etiladigan imtiyozlar haqida batafsil ma’lumotlar berib kelinmoqda. Shuningdek, seminar, davra suhbati va uchrashuvlar orqali pedagoglarning xalqaro tajribani o‘rganishi, kasbiy kompetensiyalarini rivojlantirishi hamda xorijiy ta’lim muassasalarida malaka oshirish dasturlarida faol ishtirok etishiga ko‘maklashilmoqda.