Tozalik posbonlariga Institut talaba yoshlari tomonidan ko'mak
Odatda har kuni nigohimiz tushadigan, biroq e’tiborimizdan biroz chetda qoladigan, hududlarimizning obodligi va tozaligini har qanday ob-havoda o‘ylab, hatto bayram kunlarini ham oilasi davrasida emas, tong sahardan kechgacha tozalik uchun sidqidildan xizmat qilib o‘tkazadigan soha vakillari bor.
Jumladan, tozalik posbonlarimizga ko‘mak sifatida institut yoshlari va volontyor xodimlar joriy “Qurbon hayiti” bayrami kunlari ham dam olish o‘rniga Termiz shahar va tuman bo‘ylab sanitar tozalash korxonalari ishtirokida olib borilayotgan “Dolzarb 10 kunlik” tozalik tadbirlarida faol qatnashib, atrof-muhit ozodaligiga munosib hissa qo‘shishdi.