Hurmatli professor-o‘qituvchilar va talaba-yoshlar!

Termiz davlat pedagogika institutida joriy yilning fevral–may oylari davomida o‘tkazilgan “Rektor kubogi” musobaqalari doirasidagi “Zakovat” intellektual o‘yini, “Ma’rifat maydoni” tanlovi, “Talabalar teatr studiyalari” tanlovi hamda “Quvnoqlar va zukkolar” ko‘rik-tanlovlarida g‘oliblikni qo‘lga kiritgan jamoalar a’zolarini tantanali taqdirlash marosimi bo‘lib o‘tadi.

Tadbir davomida musobaqalarda yuqori natijalarni qo‘lga kiritgan faol va iqtidorli talaba-yoshlar diplom, tashakkurnoma va esdalik sovg‘alari bilan taqdirlanadi.

Sana: 2026-yil 12-iyun
Vaqti: 10:00
Manzil: Termiz shahar "San’at saroyi"

Shuningdek tadbir doirasida, Musiqa taʼlimi yo‘nalishi talabalarining hisobot konserti va Surxondaryo viloyat musiqali drama teatri ijodkorlari ishtirokida musiqiy chiqishlar tashkil etiladi.

Barcha professor-o‘qituvchilar, talaba-yoshlar hamda institut jamoasini mazkur tantanali marosimda faol ishtirok etishga chorlaymiz!