Termiz davlat pedagogika instituti talabasi O‘zbekiston chempioni bo‘ldi!

Namangan viloyati Yangiqo‘rg‘on tumani Zarkent qishlog‘ida kattalar, yoshlar va o‘smirlar o‘rtasida Sohil kurashi bo‘yicha O‘zbekiston chempionati qizg‘in va murosasiz bahslar ostida davom etmoqda. Musobaqada mamlakatimizning turli hududlaridan kelgan yuzdan ortiq sportchilar g‘oliblik uchun kurash olib bormoqda.

Chempionatning 7-kuni doirasida erkaklar o‘rtasida -90, -100, -120 va +120 kg, ayollar o‘rtasida esa -70, -78, -87 va +87 kg vazn toifalarida bellashuvlar tashkil etildi.

Quvonarlisi, erkaklar o‘rtasidagi -90 kilogramm vazn toifasida Termiz davlat pedagogika instituti Jismoniy madaniyat va san’at fakulteti 3-bosqich talabasi Jo‘rayev Xumoyun barcha raqiblarini mag‘lub etib, O‘zbekiston chempioni degan sharafli nomga sazovor bo‘ldi hamda oltin medalni qo‘lga kiritdi.

Termiz davlat pedagogika instituti jamoasi nomidan Jo‘rayev Xumoyunni ushbu yuksak natija bilan samimiy muborakbod etamiz va kelgusi musobaqalarda ham ulkan zafarlar tilaymiz!

G‘alaba muborak, chempion!