TerDPI prorektori Xitoyda xalqaro seminar-treningda ishtirok etmoqda
Termiz davlat pedagogika instituti O‘quv ishlari bo‘yicha prorektori Lutfulla Bozorov ayni kunlarda Xitoy Xalq Respublikasining Shenyan pedagogika universiteti hamkorligida amalga oshirilayotgan “Vazirlik tizimidagi mutaxassis va talabalarni Xitoyda malakasini oshirish” grant loyihasi doirasida tashkil etilgan xalqaro seminar-treningda ishtirok etmoqda.
Joriy yilning 9–22-iyun kunlari Liaoning, Chansha va Syantan provinsiyalarida o‘tkazilayotgan “Ta’lim sohasidagi rahbarlarning boshqaruv kompetensiyalarini takomillashtirish” mavzusidagi seminar-treningda O‘zbekiston oliy ta’lim muassasalarining rahbar xodimlari qatnashmoqda.
Seminar-trening davomida ishtirokchilar ta’lim tizimini boshqarish, strategik rejalashtirish, innovatsion yondashuvlar, raqamli transformatsiya hamda xalqaro hamkorlikni rivojlantirishga oid ilg‘or tajribalar bilan yaqindan tanishmoqda.
Mazkur xalqaro loyiha oliy ta’lim tizimida boshqaruv samaradorligini oshirish, zamonaviy ta’lim texnologiyalarini joriy etish hamda xalqaro hamkorlik aloqalarini yanada mustahkamlashga xizmat qiladi.
Xalqaro tajribalarni o‘rganish va ilg‘or amaliyotlarni ta’lim jarayoniga tatbiq etish yo‘lidagi bunday tashabbuslar Termiz davlat pedagogika institutining xalqaro maydondagi nufuzini yanada oshirishga xizmat qilmoqda