Qabul 2026
Davlat oliy va kasbiy ta’lim tashkilotlariga o‘qishga kirish uchun onlayn ro‘yxatdan o‘tish bo‘yicha videoqo‘llanma tayyorlandi
Davlat oliy va kasbiy ta’lim tashkilotlariga o‘qishga kirish uchun onlayn ro‘yxatdan o‘tish bo‘yicha videoqo‘llanma tayyorlandi.
Mazkur videoqo‘llanmada:
- onlayn ro‘yxatdan o‘tish tartibi;
- hujjatlarni onlayn to‘g‘ri rasmiylashtirish;
- tizimdan foydalanish bo‘yicha muhim tavsiyalar batafsil tushuntirilgan.
Eslatib o‘tamiz: qabul jarayonlari “avval test, so‘ng tanlov” tamoyiliga muvofiq quyidagi ikki bosqichda amalga oshiriladi.
1-bosqich:
Abituriyentlar 5-iyundan 25-iyunga qadar, 25-iyun kuni ham, test sinovi topshirish uchun ro‘yxatdan o‘tadi. Bunda abituriyentlar faqat test sinovi topshiriladigan fanlar majmuasi, ta’lim tili va test topshirish hududini hamda kirish imtihonlari tarkibida kasbiy yoki ijodiy imtihon bo‘lsa, ushbu imtihonni topshiradigan oliygohni tanlaydi.
Ya’ni birinchi bosqichda universitet yoki institut tanlanmaydi. Abituriyentlar faqat qaysi fandan, qaysi tilda, qaysi hududda test topshirishini belgilaydi. “Men Yuridik universitetga topshirdim”, “Men Tibbiyot universitetiga topshirdim” degan holatlar birinchi bosqichda bo‘lmaydi.
Imtihonlar iyul–avgust oylarida o‘tkaziladi.
2-bosqich:
Abituriyentlar test sinovlari to‘liq yakunlanganidan so‘ng 15 kun davomida oliy ta’lim muassasasi, bakalavriat ta’lim yo‘nalishi va ta’lim shaklini tanlaydi.
Ya’ni abituriyent o‘zining olgan baliga qarab, testlar yakunlangandan keyin qaysi oliygohning qaysi yo‘nalishiga topshirishini tanlaydi. O‘ylab olish va tahlil qilish uchun 15 kun vaqt bo‘ladi.
@mandat_javobbot orqali qaysi oliygohda qanday yo‘nalishlar borligi va har birining o‘tish ballari bilan tanishish mumkin.
Qo‘shimcha savollarni Telegram botimiz @uztdibot ga yuborishingiz mumkin.
Videoqo‘llanma