Rektor kubogi

Termiz shahrida joylashgan “San’at saroyi” majmuasida Termiz davlat pedagogika institutining “Rektor kubogi” musobaqalari g‘olib va sovrindorlarini taqdirlash marosimi ko‘tarinki kayfiyatda tashkil etildi.

Tadbir davomida institutning ijodiy jamoalari tomonidan musiqiy chiqishlar namoyish etildi. O‘ziga xos baxshichilik san’ati namunalari, universitet orkestrining jo‘shqin kuy-navolari, xor jamoasining mahoratli chiqishlari, milliy va zamonaviy raqslar hamda sahna ko‘rinishlari yig‘ilganlarga unutilmas taassurot ulashdi.

Bayram dasturi davomida talaba-yoshlar va mehmonlar kuy-qo‘shiqlarga hamohang tarzda raqsga tushib, tadbirning yanada qizg‘in va mazmunli o‘tishiga o‘z hissalarini qo‘shdilar.

Mazkur madaniy dastur nafaqat g‘oliblarni e’tirof etish, balki talaba-yoshlarning san’at va madaniyatga bo‘lgan qiziqishini qo‘llab-quvvatlash, ularning ijodiy salohiyatini namoyon etish uchun ham muhim maydon bo‘ldi.