“Qog‘ozsiz bir kun” ekoaksiyasiga start beriladi!

Oliy ta’lim, fan va innovatsiyalar vazirligining 2026-yil 27-apreldagi 163-sonli buyrug‘i ijrosini ta’minlash maqsadida Termiz davlat pedagogika institutida har oyning birinchi seshanba kuni “Qog‘ozsiz bir kun” ekoaksiyasi o‘tkaziladi.
 

Mazkur tashabbus ish jarayonlarini raqamlashtirish, qog‘oz sarfini kamaytirish, ekologik madaniyatni yuksaltirish hamda tabiiy resurslardan oqilona foydalanishni keng targ‘ib etishga xizmat qiladi.

Ekoaksiya doirasida institutning barcha tarkibiy bo‘linmalarida:
ichki xizmat yozishmalari, buyruqlar, yig‘ilish bayonnomalari va hisobotlarni imkon qadar elektron shaklda yuritish;
zarur hollarda hujjatlarni ikki tomonlama chop etish;
qog‘ozdan oqilona va tejamkor foydalanish hamda qayta ishlangan qog‘oz mahsulotlaridan foydalanish tavsiya etiladi.

Har bir tejalgan qog‘oz — asrab qolingan daraxt, toza tabiat va barqaror kelajak sari qo‘yilgan muhim qadamdir.



Termiz davlat pedagogika instituti professor-o‘qituvchilari, xodimlari va talaba-yoshlarini “Qog‘ozsiz bir kun” ekoaksiyasida faol ishtirok etishga chorlaymiz!