Dolzarb 90 kun
“Dolzarb 90 kun” loyihasi doirasida talaba-yoshlarning yozgi ta’til davrida shaxsiy o‘sishi va ruhan tetikligini ta’minlash maqsadida institut psixologi hamda talabalar turar joylari tarbiyachi-pedagoglari hamkorligida “Muvaffaqiyatli shaxs psixologiyasi” mavzusida psixologik trening tashkil etildi.
Trening davomida ishtirokchilar muvaffaqiyatga erishish omillari, ijobiy fikrlash, maqsadlarni to‘g‘ri belgilash hamda shaxsiy rivojlanish masalalari yuzasidan fikr almashdilar. Shuningdek, turli interaktiv mashqlar va psixologik topshiriqlar orqali o‘z bilim va ko‘nikmalarini mustahkamladilar.
Tadbir yoshlarning ma’naviy-ruhiy faolligini oshirish, bo‘sh vaqtlarini mazmunli tashkil etish hamda kelajakdagi maqsadlari sari intilishlarini rag‘batlantirishga xizmat qildi.