Bitiruvchilarni qo‘shimcha ko‘nikmalarga o‘qitish maqsadida institutda tashkil etilgan ingliz, nemis tili hamda kompyuter kurslari faoliyati haqida
Bitiruvchilar bandligini ta’minlash, ularning kasbiy salohiyatini oshirish hamda zamonaviy mehnat bozori talablariga mos raqobatbardosh mutaxassislar tayyorlash maqsadida institutda 100 nafar bitiruvchi uchun ingliz (40 nafar), nemis (20 nafar)tili hamda kompyuter savodxonligi (40 nafar) kurslari tashkil etilgan.
Mazkur kurslar bitiruvchi talabalar uchun bepul va imtiyozli asosda yo‘lga qo‘yilgan bo‘lib, darslar tajribali va malakali o‘qituvchilar tomonidan olib boriladi. O‘quv jarayonida tinglovchilarning til bilish darajasidan kelib chiqib (boshlang‘ich, o‘rta, yuqori) guruhlarga ajratilgan holda ta’lim jarayonlari olib borildi.
Kurslar davomida quyidagi yo‘nalishlarga alohida e’tibor qaratildi:
- grammatika va yozma nutqni rivojlantirish,
- og‘zaki nutq (speaking) ko‘nikmalarini shakllantirish,
- tinglab tushunish (listening) malakalarini oshirish,
- kasbiy faoliyatda zarur bo‘ladigan terminologiyani o‘rgatish.
Shuningdek, tinglovchilarni xalqaro til sertifikatlariga tayyorlash ham muhim yo‘nalishlardan biri hisoblanadi. Jumladan, ingliz tili bo‘yicha IELTS, nemis tili bo‘yicha TestDaF va boshqa imtihonlarga tayyorlov mashg‘ulotlari tashkil etildi.
Kurslar doirasida muntazam ravishda:
- interaktiv darslar,
- amaliy mashg‘ulotlar,
- “speaking club”lar,
- oraliq va yakuniy test sinovlari o‘tkazib borildi.
Hozirda ushbu bitiruvchilarning bandligi ta’minlangan.
O‘quv ishlari bo‘yicha prorektor L.Bozorov