Rektor va doktorantlar uchrashuvi bo‘lib o‘tdi
Termiz davlat pedagogika instituti rektori A.Xasanov doktorantlar bilan uchrashuv o‘tkazdi. Muloqot davomida doktorantlarning ilmiy-tadqiqot faoliyati, dissertatsiya ishlari sifati, ilmiy izlanishlarni samarali tashkil etish hamda mavjud muammolar va ularning yechimlari muhokama qilindi.
Uchrashuvda doktorantlar o‘zlarini qiziqtirgan masalalar, ilmiy faoliyat jarayonida uchrayotgan muammolar yuzasidan fikr-mulohazalarini bildirdilar. Rektor tomonidan har bir murojaat atroflicha tinglanib, ularni hal etish bo‘yicha tegishli tavsiyalar berildi hamda doktorantlarning samarali ilmiy faoliyat olib borishlari uchun zarur shart-sharoitlar yaratib berilishi ta’kidlandi.
Shuningdek, ilmiy ishlar va innovatsiyalar bo‘yicha prorektor Sh.Kuldasheva doktorantlarning ilmiy mavzulari bugungi kun talablariga mos, dolzarb hamda amaliy ahamiyatga ega bo‘lishi lozimligini qayd etdi.
Ochiq muloqot ruhida o‘tgan uchrashuv doktorantlarning ilmiy salohiyatini yanada rivojlantirish, ilmiy faoliyat samaradorligini oshirish va tadqiqotlar sifatini yuksaltirishga xizmat qildi.