Xalqaro tajriba almashinuvi izchil davom etmoqda!
Termiz davlat pedagogika instituti delegatsiyasi Qozog‘iston Respublikasining yetakchi va nufuzli oliy ta’lim muassasalaridan biri — Al-Farobiy nomidagi Qozog‘iston milliy universitetida tashkil etilgan Xalqaro yozgi maktab dasturida ishtirok etmoqda.
Mazkur dastur doirasida ishtirokchilar zamonaviy ta’lim tendensiyalari, innovatsion pedagogik yondashuvlar, ilmiy-tadqiqot faoliyatini rivojlantirish hamda xalqaro akademik hamkorlikni kengaytirishga qaratilgan mashg‘ulot va uchrashuvlarda qatnashmoqda.
Shuningdek, yozgi maktab ishtirokchilarga xorijiy hamkasblar bilan tajriba almashish, yangi ilmiy va ta’limiy loyihalarni yo‘lga qo‘yish, akademik aloqalarni mustahkamlash hamda xalqaro ta’lim makonidagi ilg‘or tajribalarni o‘rganish imkoniyatini yaratmoqda.