E’LON
Rossiya Federatsiyasida qisqa muddatli ilmiy stajirovka va malaka oshirish dasturida ishtirok etish imkoniyati!
Termiz davlat pedagogika instituti hamda Rossiya Federatsiyasining Volgograd davlat ijtimoiy-pedagogika universiteti o‘rtasidagi hamkorlik doirasida professor-o‘qituvchilar uchun qisqa muddatli ilmiy stajirovka va malaka oshirish dasturlari tashkil etilmoqda.
Mazkur dasturlarda ishtirok etish uchun e’lon qilingan tanlov ko‘ra institut professor-o‘qituvchilari orasidan 2 nafar nomzod tanlab olinishi ko'zda tutilgan.
Dastur doirasida ishtirokchilar:
✅ xorijiy oliy ta’lim muassasasining ilmiy-pedagogik faoliyati bilan yaqindan tanishish;
✅ ilmiy tadqiqotlar olib borish bo‘yicha zamonaviy yondashuvlarni o‘rganish va tajriba almashish;
✅ xalqaro hamkorlik doirasida yangi ilmiy yo‘nalishlar va loyihalarni rivojlantirish imkoniyatiga ega bo‘ladilar.
Mazkur tashabbus professor-o‘qituvchilarning ilmiy faoliyatini qo‘llab-quvvatlash, kasbiy rivojlanishini ta’minlash hamda Volgograd davlat ijtimoiy-pedagogika universiteti bilan o‘zaro ilmiy-ta’limiy aloqalarni yanada kengaytirishga xizmat qiladi.