Kengash yig'ilishi
Termiz davlat pedagogika institutida navbatdagi Kengash yig‘ilishi doirasida ilm-fan, ta’lim va jamoat ishlarida yuqori natijalarga erishgan professor-o‘qituvchilar hamda xodimlarni taqdirlash marosimi bo‘lib o‘tdi.
Tadbir davomida ilmiy daraja va ilmiy unvonlarga sazovor bo‘lgan professor-o‘qituvchilarga tegishli diplomlar tantanali ravishda topshirildi.
Shuningdek, o‘z mutaxassisligi bo‘yicha yuqori natijalarni qo‘lga kiritgan hamda ta’lim-tarbiya jarayonida alohida faollik ko‘rsatgan professor-o‘qituvchilar “Eng yaxshi pedagog” nominatsiyasi bo‘yicha faxriy yorliqlar bilan taqdirlandi.
Institut rivoji, ta’lim sifati va boshqaruv samaradorligini oshirish yo‘lida fidokorona mehnat qilayotgan kafedra mudirlari hamda xodimlarga tashakkurnomalar va qimmatbaho esdalik sovg‘alari topshirildi.
E’tirof etilgan yutuqlar jamoa a’zolarini yangi marralar sari ruhlantirib, institutning ilmiy va pedagogik salohiyatini yanada yuksaltirishga xizmat qilishi ta’kidlandi.