Dolzarb 90 kun
Yoshlarning yozgi ta'til davrini mazmunli tashkil etish, kasb-hunarga bo‘lgan qiziqishini oshirish hamda bo‘sh vaqtini samarali tashkil etish maqsadida Termiz davlat pedagogika instituti Talabalar turar joyi tarbiyachi-pedagoglari hamda talaba-yoshlar ishtirokida Termiz shahar 1-sonli texnikumiga ekskursiya tashkil etildi.
Ekskursiya davomida texnikumning zamonaviy o‘quv-amaliy laboratoriyalari, jumladan, tikuvchilik va sartaroshlik yo‘nalishlaridagi amaliy mashg‘ulotlar bilan yaqindan tanishdilar.
Mutaxassislar tomonidan ta'lim jarayonining amaliy jihatlari, kasbiy ko‘nikmalarni shakllantirish usullari hamda yoshlar uchun yaratilgan shart-sharoitlar haqida batafsil ma'lumot berildi.
Mazkur ekskursiya talaba-yoshlarning kasb-hunarga bo‘lgan qiziqishini yanada oshirish, ta'lim muassasalari o‘rtasidagi hamkorlikni mustahkamlash hamda yozgi ta'tilni mazmunli tashkil etishga xizmat qildi.