Xalqaro hamkorlik yangi bosqichda
Termiz davlat pedagogika instituti rektori A. Xasanov boshchiligidagi delegatsiya ayni kunlarda Rossiya Federatsiyasining Volgograd davlat ijtimoiy-pedagogika universitetida amaliy tashrif bilan bo‘lib turibdi.
Tashrif dasturi doirasida delegatsiya a’zolari universitetning Biologiya laboratoriyasi, Raqamli ta’lim texnologiyalari markazi, Sun’iy intellekt laboratoriyasi, Axborot-resurs markazi hamda sport majmuasi faoliyati bilan yaqindan tanishdi.
Uchrashuvlar davomida ta’lim jarayoniga zamonaviy pedagogik va raqamli texnologiyalarni joriy etish, ilmiy-tadqiqot yo‘nalishlarida hamkorlikni kengaytirish, akademik almashinuvni rivojlantirish hamda ikki oliy ta’lim muassasasi o‘rtasidagi hamkorlikni yangi bosqichga olib chiqish masalalari muhokama qilinmoqda.