Yetakchi xorijiy oliy ta’lim va ilmiy tashkilotlarda qisqa muddatli ilmiy stajirovka hamda xalqaro forum dasturlarida ishtirok etish imkoniyati!

Termiz davlat pedagogika institutida yosh olimlar va professor-o‘qituvchilarning ilmiy-tadqiqot faoliyatini rivojlantirish, xalqaro tajribasini oshirish hamda xorijiy oliy ta’lim va ilmiy tashkilotlar bilan hamkorlik aloqalarini mustahkamlash maqsadida qisqa muddatli ilmiy stajirovka va xalqaro forum dasturlarida ishtirok etish uchun tanlov e’lon qilinadi.

Mazkur tanlov doirasida ishtirokchilarga xorijiy oliy ta’lim muassasalarida ilmiy tajriba almashish, zamonaviy ilmiy-pedagogik yondashuvlar bilan tanishish, xalqaro akademik muhitda bilim va ko‘nikmalarini oshirish imkoniyati yaratiladi.

Tanlov natijalariga ko‘ra, institut yosh olimlari orasidan 2 nafar nomzod saralab olinadi.

Dastur doirasida ishtirokchilar:

✅ xorijiy oliy ta’lim va ilmiy tashkilotlar tajribasini o‘rganish;
✅ ilmiy-tadqiqot faoliyatini rivojlantirish;
✅ xalqaro forum va akademik muloqotlarda ishtirok etish;
✅ zamonaviy ilmiy-pedagogik yondashuvlar bilan tanishish imkoniyatiga ega bo‘ladilar.

Mazkur tashabbus yosh olimlarning xalqaro ilmiy maydondagi faolligini oshirish, ilmiy salohiyatini rivojlantirish hamda institutning xorijiy hamkorlik aloqalarini kengaytirishga xizmat qiladi.