Yetakchi xorijiy oliy ta’lim va ilmiy tashkilotlarda qisqa muddatli ilmiy stajirovka dasturlarida ishtirok etish imkoniyati!
Termiz davlat pedagogika institutida yosh olimlarning xalqaro ilmiy tajribasini oshirish, ilmiy-tadqiqot faoliyatini rivojlantirish hamda xorijiy oliy ta’lim va ilmiy tashkilotlar bilan hamkorlik aloqalarini kengaytirish maqsadida qisqa muddatli ilmiy stajirovka dasturlarida ishtirok etish uchun tanlov e’lon qilinadi.
Mazkur tanlov doirasida yosh olimlarga Al-Farobiy nomidagi Qozog‘iston milliy universiteti tajribasini o‘rganish, xalqaro akademik muhitda ilmiy muloqot olib borish hamda ilmiy-tadqiqot faoliyati bo‘yicha tajriba almashish imkoniyati yaratiladi.
Dastur doirasida yosh olimlar:
✅ xorijiy oliy ta’lim va ilmiy tashkilotlar tajribasini o‘rganish;
✅ ilmiy-tadqiqot faoliyati bo‘yicha xalqaro tajriba almashish;
✅ zamonaviy ilmiy-pedagogik yondashuvlar bilan tanishish imkoniyatiga ega bo‘ladilar.
Mazkur tashabbus yosh olimlarning ilmiy salohiyatini oshirish va institutning xalqaro ilmiy hamkorlik aloqalarini rivojlantirishga xizmat qiladi.