Termiz davlat pedagogika instituti “EDUGATE–2026” xalqaro ta’lim ko‘rgazmasida ishtirok etmoqda

O‘zbekiston Respublikasi Oliy ta’lim, fan va innovatsiyalar vazirligi hamkorligida Misr Arab Respublikasida tashkil etilgan “EDUGATE–2026” xalqaro ta’lim ko‘rgazmasi o‘z ishini boshladi.
 

Ko‘rgazmada Termiz davlat pedagogika instituti nomidan Xalqaro hamkorlik bo‘limi boshlig‘i Umidjon Eshmuratov ishtirok etmoqda.



EDUGATE–2026 — Misr Arab Respublikasidagi eng yirik xalqaro oliy ta’lim ko‘rgazmalaridan biri bo‘lib, unda  25 dan ortiq davlatlardan 120 dan ziyod mahalliy va xorijiy universitetlar vakillari qatnashmoqda.
 

Tadbir doirasida:

  • xorijiy oliy ta’lim muassasalari vakillari bilan uchrashuvlar va muzokaralar olib borilmoqda; qo‘shma ta’lim dasturlari, akademik mobillik va xalqaro hamkorlik imkoniyatlari muhokama qilinmoqda;
  • xorijiy talabalarni jalb etish hamda O‘zbekiston oliy ta’lim tizimini xalqaro maydonda targ‘ib qilish ishlari amalga oshirilmoqda.



Termiz davlat pedagogika instituti — xalqaro hamkorlik sari!