"Surxon yulduzi" iste’dodlar loyihasining amalga oshirish jarayonlari bilan tanishildi
"Surxon yulduzi" iste’dodlar loyihasini yuqori saviyada tashkil etish va o‘tkazish maqsadida tuzilgan ishchi guruh a’zolari loyiha doirasida olib borilayotgan tayyorgarlik ishlari hamda tashkiliy jarayonlar bilan yaqindan tanishdilar.
Ma’lumot uchun, "Surxon yulduzi" iste’dodlar loyihasi Surxondaryo viloyatidagi 16–35 yoshdagi iqtidorli yoshlarning ijodiy salohiyatini ro‘yobga chiqarish, milliy madaniyat va san’atni rivojlantirish hamda yosh iste’dodlarni qo‘llab-quvvatlash maqsadida tashkil etilmoqda.
Loyiha Termiz davlat pedagogika instituti hamkorligida amalga oshirilayotgan bo‘lib, unda estrada qo‘shiqchiligi, milliy qo‘shiqchilik, baxshichilik san’ati, maqom va an’anaviy ijro, zamonaviy pop ijrochiligi, rep va yoshlar musiqasi hamda instrumental ijrochilik yo‘nalishlari bo‘yicha iste’dodli yoshlar ishtirok etishlari mumkin.
Mazkur loyiha yoshlarning ijodiy qobiliyatlarini namoyon etish, yangi iste’dodlarni kashf etish va ularni professional san’at yo‘nalishiga yo‘naltirishda muhim ahamiyat kasb etadi.