Diqqat, Tanlov!

“Jonajon o‘zbek tilim” tanlovi e’lon qilindi

O‘zbekiston Respublikasi Vazirlar Mahkamasining Davlat tilini rivojlantirish departamenti hamda O‘zbek tilini rivojlantirish jamg‘armasi “Jonajon o‘zbek tilim” tanlovini e’lon qiladi.

Tanlov yo‘nalishlari

  • O‘zbek tilining o‘ziga xos xususiyatlari, muammo va yechimlari yoritilgan eng yaxshi ilmiy tadqiqot.
  • O‘zbek tilini raqamlashtirishga qaratilgan eng yaxshi dasturiy mahsulot.
  • O‘zbek tilining boy imkoniyatlari tarannum etilgan eng yaxshi badiiy-ijodiy asar.
  • Davlat tili bo‘yicha ommaviy axborot vositalarida e’lon qilingan eng yaxshi material.
  • O‘zbek tili targ‘ibotiga bag‘ishlangan eng yaxshi videorolik.
  • O‘zbek tilini xalqaro miqyosda ommalashtirishga xizmat qilayotgan eng yaxshi amaliy ish.
  • O‘zbek tilining xorijlik do‘stlari tomonidan yaratilgan eng yaxshi ilmiy-ijodiy ish.

Tanlovda ishtirok etish tartibi: nomzodlar o‘zlari haqidagi ma’lumotlarni — ismi, otasining ismi, familiyasi, ish yoki o‘qish joyini belgilangan namuna asosida rasmiylashtirib, ilmiy-ijodiy ishining elektron nusxasini ilova qilgan holda yuborishlari lozim.

Hujjatlar 20-avgustdan 20-sentabrgacha qabul qilinadi

Hujjatlarni yuborish manzillari

Jamg‘arma manzili

Vazirlar Mahkamasi huzuridagi O‘zbek tilini rivojlantirish jamg‘armasi: Toshkent shahri, Yakkasaroy tumani, Bobur ko‘chasi, 21A-uy.

Telegram bot

Hujjatlarni @Jonajontilim_bot Telegram boti orqali yuborish mumkin.

Elektron pochta

Hujjatlarni Uz_til_jamgarma@umail.uz elektron pochta manziliga yuborish mumkin.

G‘oliblarni taqdirlash

Tanlov g‘oliblari bazaviy hisoblash miqdorining 50 baravari miqdoridagi pul mukofoti, diplom va esdalik sovg‘alari bilan taqdirlanadi.

Mukofotlar 21-oktabr — O‘zbek tili bayrami kuni arafasida topshiriladi.