Termiz davlat pedagogika institutida favqulodda vaziyatlarning oldini olishga qaratilgan tadbirlar tashkil etildi.

Termiz davlat pedagogika institutida “Payshanba — yoshlar kuni” doirasida favqulodda vaziyatlarning oldini olish, xavfsizlik qoidalariga rioya etish hamda turli ko‘ngilsiz holatlarning oldini olishga qaratilgan targ‘ibot-tushuntirish ishlari tashkil etildi.

Tadbirda institut Yoshlar masalalari va ma’naviy-ma’rifiy ishlar bo‘yicha birinchi prorektori U.Turamuratov, Termiz tuman Favqulodda vaziyatlar bo‘lim boshlig'i U.Bozorov hamda institut mas’ul xodimlari ishtirok etdi.

Davra suhbatida yong‘in xavfsizligi qoidalariga qat’iy rioya qilish, favqulodda vaziyatlarning oldini olish, bunday holatlar yuzaga kelganda to‘g‘ri va tezkor harakat qilish hamda xavfsizlik choralariga amal qilish masalalari muhokama qilindi.

Shuningdek, institut Talabalar turar joyida favqulodda vaziyatlar bo‘yicha o‘quv-amaliy mashg‘ulot ham o‘tkazildi. Mashg‘ulot davomida favqulodda vaziyat yuzaga kelganda harakatlanish, evakuatsiya tartibi, yong‘in xavfsizligi talablariga rioya qilish hamda tezkor choralarni ko‘rish bo‘yicha amaliy ko‘nikmalar mustahkamlandi.