Termiz davlat pedagogika institutida maktabgacha ta'lim tashkilotlari va umumta'lim maktablari uchun quyidagi yo'nalishlar bo'yicha kasbiy qayta tayyorlash kurslari tashkil etildi:

 

Logopediya — duduqlanish, til rivojlanmaganligi, o'qish-yozishda nuqsoni bo'lgan bolalar bilan ishlash
Surdopedagogika — eshitishida nuqsoni bo'lgan bolalar bilan ishlash (imo-ishora tili, barmoq nutqi)
Oligofrenopedagogika — aqliy rivojlanishi orqada qolgan bolalar bilan ishlash
Tiflopedagogika — ko'rishida nuqsoni bo'lgan bolalar bilan ishlash (Brayl shrifti, taktil materiallar)



Kimlar jalb etiladi?
Bakalavriat yoki magistratura bosqichi bo'yicha oliy ma'lumotga ega, kasbiy salohiyatini oshirmoqchi bo'lgan Respublikamizdagi mutaxassislar.
Kursni muvaffaqiyatli tamomlaganlarga davlat namunasidagi diplom topshiriladi.
Kurslar O'zbekiston Respublikasi Prezidentining 2024-yil 21-iyundagi PQ-231-son, Vazirlar Mahkamasining 2024-yil 20-dekabrdagi 867-son qarorlari hamda Maktabgacha va maktab ta'limi vazirining 2025-yil 30-sentabrdagi 367-son buyrug'iga muvofiq tashkil etilmoqda.
Yuqoridagi video qo‘llanmada retrain.uzedu.uz tizimi orqali qayta tayyorlash kurslarida ishtirok etish uchun ariza topshirish jarayoni bosqichma-bosqich ko‘rsatib berilgan.

Video qo‘llanma orqali nomzodlar:
Tizimga kirish va profil ma’lumotlarini ko‘rib chiqish;
Shaxsiy ma’lumotlarni tekshirish;
Ta’lim ma’lumotlarini ko‘rish va to‘ldirish;
Mavjud qayta tayyorlash kurslarini ko‘rib chiqish;
O‘ziga mos kursni tanlash;
Qayta tayyorlash kursida ishtirok etish uchun ariza yuborish;
Ariza yuborilgandan keyingi jarayon bilan tanishishlari mumkin.