“ENG INNOVATSION G‘OYA” RESPUBLIKA TANLOVI — INSTITUT BOSQICHI
Termiz davlat pedagogika instituti talabalari diqqatiga!
O‘zbekiston Respublikasi Vazirlar Mahkamasining 2026-yil 4-sentabrdagi 463-son qarori asosida “Eng innovatsion g‘oya” respublika tanlovining institut bosqichi o‘tkaziladi.
Tanlovdan ko‘zlangan maqsad — talabalarning istiqbolli innovatsion g‘oyalarini aniqlash, qo‘llab-quvvatlash va ularni amaliyotga joriy etish uchun imkoniyat yaratishdir.
Kimlar ishtirok etishi mumkin?
Tanlovda institut talabalari ishtirok etishi mumkin. Har bir talabgor tanlovga faqat bitta innovatsion g‘oya bilan qatnashadi. Ishtirok etish bepul. Ariza va tegishli hujjatlar yozma yoki elektron shaklda taqdim etiladi.
Hujjatlar 10-oktabr sanasiga qadar qabul qilinadi.
Innovatsion g‘oyalar 100 ballik tizimda baholanadi:
Ilmiy va innovatsion yangiligi — 20 ball; dolzarbligi — 20 ball; mavjud analoglardan farqi — 20 ball; xarajatlar smetasining asoslanganligi — 20 ball; g‘oyani amalga oshirishdan kutilayotgan natijalar — 20 ball.
Institut bosqichi g‘oliblari uchun:
1-o‘rin — 50 mln so‘m
2-o‘rin — 30 mln so‘m
3-o‘rin — 20 mln so‘m
Innovatsion g‘oyangiz bo‘lsa — uni imkoniyatga aylantiring!
Batafsil ma'lumot va ariza ishtirok uchun Iqtidorli talabalarning ilmiy-tadqiqot faoliyatini tashkil etish bo'limiga murojaat qiling!
Asosiy bino, 5-qavat