TerDPI vakili Xitoyda xalqaro ilmiy forumda ishtirok etmoqda!
Termiz davlat pedagogika instituti Ilmiy ishlar va innovatsiyalar bo‘yicha prorektori, professor Shaxnoza Kuldasheva 2026-yil 10–14-sentabr kunlari Xitoy Xalq Respublikasining Si’an shahrida xizmat safarida bo‘lib turibdi.
Tashrif doirasida Si’an arxitektura va texnologiyalar universitetining 130 yilligiga bag‘ishlangan xalqaro forum, akademik uchrashuvlar hamda ilmiy muzokaralarda ishtirok etilmoqda.
Shuningdek, State Key Laboratory of Green Building faoliyati bilan yaqindan tanishilib, xalqaro olimlar bilan ekologik barqarorlik va zamonaviy ilmiy tadqiqotlar bo‘yicha fikr almashildi.
Professor Shaxnoza Kuldasheva ishtirokidagi ilmiy tadbirda Surxondaryo viloyati va transchegaraviy Hayraton–Mozori Sharif yo‘lagida chang va qum bo‘ronlari xavfini kamaytirish, kompleks himoya tizimi hamda “yashil belbog‘” modelini yaratish masalalariga bag‘ishlangan loyiha konsepsiyasi bo'yicha nutq so'zladi.
Uchrashuvlarda:
— akademik almashinuvni rivojlantirish;
— yozgi va qishki maktablarni tashkil etish;
— professor-o‘qituvchi va tadqiqotchilar hamkorligini kengaytirish;
— qo‘shma ilmiy loyihalarni amalga oshirish masalalari muhokama qilindi.
Mazkur tashrif Termiz davlat pedagogika institutining xalqaro ilmiy hamkorligini yanada kengaytirishga xizmat qiladi.