XORIJLIK MUTAXASSISLAR ISHTIROKIDA SEMINAR-TRENING O‘TKAZILDI
Yangi o‘quv yili oldidan Termiz davlat pedagogika institutining professor-o‘qituvchilari uchun xorijiy mutaxassislar ishtirokida “Mutaxassislik fanlarini zamonaviy ta’lim texnologiyalari asosida o‘qitish” mavzusida seminar-trening tashkil etildi.
Unda AQShning O‘zbekistondagi Elchixonasi huzuridagi RELO (Regional English Language Office) tomonidan Fellow dasturi doirasida tashrif buyurgan Kale Fuller hamda Lee University bitiruvchisi Samuel Blake Christopher ishtirok etdi.
Seminar davomida zamonaviy pedagogik texnologiyalardan samarali foydalanish, darslarni rejalashtirish, xorijiy tajriba asosida amaliy mashg‘ulotlarni tashkil etish va ta’lim sifatini oshirish bo‘yicha amaliy tavsiyalar berildi.
Mazkur seminar-trening professor-o‘qituvchilarning kasbiy kompetensiyalarini rivojlantirish, ilg‘or xorijiy tajribalarni o‘rganish va zamonaviy ta’lim texnologiyalarini o‘quv jarayoniga keng joriy etishga xizmat qildi.