TERDPI: TA’LIM SIFATI VA YANGI AVLOD MUTAXASSISLARINI TAYYORLASH YO‘LIDAGI ISHLAR

Bugungi kunda ta’lim tizimi oldida turgan muhim vazifalardan biri — zamonaviy bilim va ko‘nikmalarga ega, mustaqil fikrlaydigan, raqobatbardosh hamda mehnat bozori talablariga mos mutaxassislarni tayyorlashdir.

Shu maqsadda Termiz davlat pedagogika institutida ta’lim sifati va mazmunini takomillashtirish, o‘quv jarayoniga zamonaviy yondashuvlarni keng joriy etish hamda talabalarning amaliy kompetensiyalarini rivojlantirishga qaratilgan tizimli ishlar amalga oshirilmoqda.

Institutda ta’lim yo‘nalishlarini zamonaviy talablar asosida rivojlantirish, professor-o‘qituvchilarning kasbiy salohiyatini oshirish, ilg‘or pedagogik va raqamli texnologiyalardan foydalanish, xalqaro tajribani o‘quv jarayoniga tatbiq etishga alohida e’tibor qaratilmoqda.

Talabalarning ilmiy-tadqiqot va innovatsion faoliyatini qo‘llab-quvvatlash, zamonaviy laboratoriyalar, STEM va robototexnika yo‘nalishlarini rivojlantirish, startap va innovatsion g‘oyalarni amaliyotga tatbiq etish uchun zarur imkoniyatlar yaratilmoqda.

Shuningdek, ta’lim jarayoniga raqamli texnologiyalar va sun’iy intellekt imkoniyatlarini joriy etish, talabalar bilimini amaliyot bilan uyg‘unlashtirish hamda kelajak kasblariga tayyorlashga qaratilgan tashabbuslar izchil davom ettirilmoqda.