Termiz davlat pedagogika institutida yangi 2026/2027-o‘quv yiliga tayyorgarlik holati o‘rganildi
O‘rganish jarayonida Oliy taʼlim, fan va innovatsiyalar vazirligining Innovatsion rivojlanish agentligi bosh mutaxassisi K.Abdullayev va Yoshlarning innovatsion tashabbuslarini qo‘llab-quvvatlash ofisi yetakchi mutaxassisi D.Nodirbekovlar ishtirok etdi.
Monitoring davomida institutning yangi o‘quv yiliga tayyorgarligi bir qator muhim yo‘nalishlar bo‘yicha ko‘rib chiqildi.
Jumladan, o‘quv auditoriyalari, ma’ruza va amaliy mashg‘ulot xonalari, laboratoriyalar, kompyuter xonalari hamda boshqa ta’lim obyektlarining holati o‘rganildi. hamda xonalarning sanitariya-gigiyena talablariga muvofiqligi, jihozlarning sozligi, mebel va texnik vositalar bilan ta’minlanganligi tahlil qilindi.
Bundan tashqari, institutning mavjud moddiy-texnik bazasi, o‘quv jarayonida foydalaniladigan zamonaviy axborot-kommunikatsiya texnologiyalari, elektron ta’lim resurslari va talabalar uchun yaratilgan akademik imkoniyatlarga ham alohida e’tibor qaratildi.
O‘rganish jarayonida talabalarni talabalar turar joylari va ijara xonadonlari bilan ta’minlash, mavjud turar joylar zaxirasidan oqilona va samarali foydalanish, ehtiyojmand talabalarni aniqlash, ularni joylashtirish jarayonlarini tezkor hamda tizimli tashkil etish bo‘yicha amalga oshirilayotgan ishlar tahlil qilindi.
Asosiy maqsad — yangi o‘quv yilini puxta tayyorgarlik asosida boshlash, ta’lim jarayoni sifatini ta’minlash hamda talabalar uchun munosib sharoitlar yaratish.