Talabalarni turar joylarga joylashtirish ishlari davom etmoqda
Yangi o‘quv yilini munosib boshlash arafasida Termiz davlat pedagogika institutida talabalarni talabalar turar joylari va ijara xonadonlariga joylashtirish ishlari izchil davom ettirilmoqda.
Jarayonlar institut rektori A. Xasanov boshchiligida tashkil etilib, talabalarga turar joylarda yaratilgan shart-sharoitlar, yashash tartibi hamda mavjud imkoniyatlar haqida ma’lumotlar berilmoqda. Talabalar hamda ularning oila-a'zolaiga turar joylarda mavjud imkoniyatlar, xonalar, maishiy sharoitlar hamda yashash uchun yaratilgan qulayliklar batafsil tanishtirilmoqda.
Shuningdek, talabalarga ichki tartib-qoidalar, odob-axloq me’yorlari, xavfsizlik talablari va yashash madaniyati yuzasidan zarur tavsiyalar berilmoqda.