MUSTAQILLIK RUHI IJODKOR TALABALAR ASARLARIDA

Termiz davlat pedagogika instituti Jismoniy madaniyat va san’at fakultetida talabalar o‘rtasida O‘zbekiston Respublikasi mustaqilligining 35 yilligi munosabati bilan “Mustaqillik — 35 yil” shiori ostida tasviriy san’at va suratlar tanlovi tashkil etildi.

Tanlov davomida talabalar maxsus o‘rnatilgan devor yuzasida o‘z ijodiy ishlari orqali Vatanimiz mustaqilligi, milliy qadriyatlar, tariximiz hamda yurtimizning betakror qiyofasini aks ettirdilar.

Mazkur ijodiy jarayon talabalarning tasviriy san’atga bo‘lgan qiziqishini oshirish, ijodiy salohiyatini namoyon etish, shuningdek, yoshlar qalbida Vatanga muhabbat, milliy g‘urur va iftixor tuyg‘ularini yanada mustahkamlashga xizmat qildi.