Yosh olimlar o‘rtasida xalqaro forumda ishtirok etish uchun tanlov!
Termiz davlat pedagogika instituti yosh olimlari o‘rtasida Qirg‘iziston Respublikasining Issiqko‘l viloyati, Sari-Oy qishlog‘ida 2026-yil 29-iyul kuni o‘tkazilishi rejalashtirilgan “Strategik sheriklik: Qirg‘iziston va O‘zbekiston universitetlarining hamkorligining innovatsion modellari, akademik integratsiya hamda oliy ta’lim, fan va innovatsiyalarni rivojlantirishning yangi imkoniyatlari” mavzusidagi xalqaro forumda O‘zbekiston delegatsiyasi tarkibida ishtirok etish uchun tanlov e’lon qilinadi.
Tanlovning asosiy maqsadi — yosh olimlarning xalqaro ilmiy-ta’limiy tadbirlardagi ishtirokini ta’minlash, ilg‘or xorijiy tajribalarni o‘rganish hamda Qirg‘iziston va O‘zbekiston oliy ta’lim muassasalari o‘rtasidagi akademik hamkorlikni rivojlantirishdan iborat.
Nomzodlarga qo‘yiladigan talablar:
▪️ Termiz davlat pedagogika institutida faoliyat yuritayotgan yosh olim, doktorant, tayanch doktorant yoki yosh mutaxassis bo‘lish;
▪️ ilmiy-tadqiqot faoliyati bilan shug‘ullanish;
▪️ rus tilini yaxshi darajada bilish va erkin muloqot qila olish;
▪️ o‘z fikrini aniq va ravon bayon qila olish;
▪️ xalqaro tadbirlar va ilmiy-amaliy loyihalarda ishtirok etish tajribasiga ega bo‘lish;
▪️ jamoa bilan ishlash va xalqaro delegatsiya tarkibida faoliyat yurita olish;
▪️ oliy ta’lim, fan, innovatsiyalar va xalqaro hamkorlik yo‘nalishlariga qiziqish bildirish.