ZAMONAVIY RAQAMLI KASBLARNI O‘RGANISH UCHUN YANGI IMKONIYAT!
Termiz davlat pedagogika instituti huzuridagi O‘quv markazida ehtiyojmand oilalar farzandlarini zamonaviy kasblarga o‘qitish maqsadida “Dasturlash, sun’iy intellekt, robototexnika va axborot texnologiyalari” kursi tashkil etilmoqda.
Kurs haftaning 1 kunida fanlar kesimida tushdan so‘ng o‘tkaziladi.
Ta’lim shakli: kunduzgi, auditoriya va amaliy mashg‘ulotlar
Dushanba: Axborot texnologiyalari;
Seshanba: Robototexnika;
Chorshanba: Sun’iy intellekt;
Payshanba: Dasturlash.
Kurs davomida ishtirokchilar:
- dasturlash asoslari va Python dasturlash tilini;
- sun’iy intellekt asoslari va undan amaliy foydalanishni;
- AI vositalari va samarali prompt yaratishni;
- axborot texnologiyalari va raqamli savodxonlikni;
- internet va bulutli texnologiyalarni;
- kiberxavfsizlik hamda shaxsiy ma’lumotlarni himoya qilishni;
- robototexnika asoslarini o‘rganadilar.
Shuningdek, kurs davomida mini-o‘yinlar, viktorinalar, individual topshiriqlar, loyiha ishlari, mini-hackathon, case-study va raqamli laboratoriya kabi amaliy mashg‘ulotlar orqali o‘quvchilarning bilim va ko‘nikmalari mustahkamlanadi.
Kurs yakunida tinglovchilar oddiy Python dasturlarini yaratish, kalkulyator va viktorinalar tuzish, AI yordamida matn va tasvirlar yaratish, raqamli hujjatlar tayyorlash hamda o‘zlarining kichik IT-loyihalarini ishlab chiqish bo‘yicha amaliy ko‘nikmalarga ega bo‘ladilar.
Murojaat uchun: +998330439696