Joriy yilning 7-oktabr kuni Termiz davlat pedagogika institutining Tillar fakultetida korrupsiyaning oldini olish va yoshlarning huquqiy madaniyatini yuksaltirishga qaratilgan targ‘ibot tadbiri o‘tkazildi.

“Korrupsiya — taraqqiyot kushandasi” mavzusidagi tadbirda korrupsiyaning jamiyat taraqqiyotiga salbiy ta’siri, uning oldini olish mexanizmlari hamda yoshlar o‘rtasida ushbu illatga nisbatan murosasiz munosabatni shakllantirish masalalari muhokama qilindi.

Tadbirda institutning “Komplayens-nazorat” tizimini boshqarish bo‘limi mas’ullari, fakultet rahbariyati va tyutorlar ishtirok etdi. Muloqot davomida halollik, adolat, qonun ustuvorligi va shaffoflik tamoyillarining jamiyat taraqqiyotidagi ahamiyati alohida ta’kidlandi.

Zero, korrupsiyaga qarshi kurashish — barchamizning umumiy mas’uliyatimizdir.