"Amaliy kimyo va fizika" to‘garaklari
Termiz davlat pedagogika institutida "Dolzarb 90 kun" loyihasi doirasida "Amaliy kimyo va fizika" to‘garaklari bo‘yicha laboratoriya mashg‘ulotlari muntazam o‘tkazib kelinmoqda.
🧪Mashg‘ulotlar jarayonida talabalar nazariy bilimlarini amaliyotda sinab ko‘rish, tajribalar o‘tkazish va ilmiy kuzatuvlar olib borish imkoniga ega bo‘lishmoqda. Kimyo laboratoriyasida turli reaksiya va modda xossalarini o‘rganish ishlari bajarilsa, fizika laboratoriyasida mexanika, optika, elektr va boshqa bo‘limlar bo‘yicha tajribalar o‘tkazilmoqda.
🫥Bunday amaliy mashg‘ulotlar talabalar bilimini mustahkamlash, ilmiy-tadqiqot ko‘nikmalarini rivojlantirish hamda kelajakdagi kasbiy faoliyatiga tayyorgarlik ko‘rishda muhim ahamiyat kasb etadi.
❄️Nazariy va amaliy bilimlar uyg‘unlashgan bunday jarayonlar talabalarning fanga bo‘lgan qiziqishini yanada oshirib, ularni izlanish va yangilik yaratishga undamoqda.