Termiz davlat pedagogika instituti xodimlari tomonidan Oltinsoy tumanidagi 42-62-65-umum ta’lim maktablariga tashrif amalga oshirildi
Termiz davlat pedagogika instituti Ta’lim sifatini nazorat qilish bo‘limi boshlig‘i B. Qodirov hamda Texnologiya va geografiya kafedrasi professor-o‘qituvchilari Sh. Allanov va J. Ashurovlar tomonidan Oltinsoy tumanidagi 42-62-65-umum ta’lim maktablariga ilmiy-amaliy va metodik yordam ko‘rsatish maqsadida tashrif amalga oshirildi.
Tashrif doirasida pedagoglar uchun master-klasslar, shuningdek, o‘quvchilar va o‘qituvchilar ishtirokida davra suhbatlari tashkil etildi. Mashg‘ulotlar davomida zamonaviy ta’lim metodlari, fanlarni o‘qitishda innovatsion yondashuvlar hamda o‘quv jarayonini samarali tashkil etish masalalari muhokama qilindi.
Mazkur tashrif va o‘tkazilgan dars mashg‘ulotlari maktab o‘quvchilari hamda o‘qituvchilarida katta qiziqish uyg‘otdi. Darslar yakunida faol ishtirok etgan o‘quvchilarga esdalik sovg‘alari topshirildi.