Talaba ruhiyatiga raqamli nigoh

        Psixologik sörovnoma tugadi. Javoblar hisoblandi, natija tayyor. Köpinça şu bilan iş yakunlangandek tuyuladi. Ammo talabaning hayoti davom etadi: yangi muhit, darslar, imtihonlar, turli keçinmalar... Bir oy ötgaç uning holati qanday özgaradi? Termiz davlat pedagogika instituti talabasi Sabrina Abdimurodovaning “Psixodiagnostika” loyihasi ana şu savolga yangiça yondaşadi.
Psixologiya ta’lim yönalişining 3-kursida öqiyotgan Sabrina yaratgan axborot tizimida bir martalik test natijasi şunçaki ekranda paydo bölib, unutilmaydi. U saqlanadi, keyingi natijalar bilan taqqoslanadi, özgarişlar esa yaqqol körinadi. Şu tariqa oddiy sörovnoma talabaning rivojlanişini kuzatiş imkoniyatiga ulanadi.

      Natijadan köra muhimroq savol
Talaba bugun öqişga iştiyoq bilan kirişgan bölişi, ertaga esa boşqa bir taşviş bilan yuzlaşişi mumkin. Uning yangi jamoaga moslaşuvi ham, öqişga munosabati ham vaqt davomida özgaradi. Bir neça oy avvalgi javoblarni bugungisi bilan qiyoslaş ana şu özgarişni tuşunişga yordam beradi. Sabrina işlanmasining asosiy ğoyasi ham şunda: har bir natijaga alohida raqam sifatida emas, davom etayotgan jarayonning bir bölagi sifatida qaraş.
        “Psixodiagnostika”da talaba röyxatdan ötib, şaxsiy kabinetiga kiradi va savollarga javob beradi. Tizim natijalarni hisoblaydi, ularni saqlaydi hamda tuşunarli tavsiyalarni taqdim etadi. Keyingi diagnostika esa oldingi körsatkiçlar bilan soliştiriladi. Dasturdagi har bir yangi natija şu tariqa avvalgisi bilan boğlanadi.
Raqamlar ortida tört yönaliş
         Platformadagi 28 ta savol talaba holatining tört jihatiga e’tibor qaratadi: psixologik zöriqiş, xavotir, öquv motivatsiyasi hamda akademik-ijtimoiy moslaşuv. Har bir yönaliş alohida metodikaga tayangan holda baholanadi. Natijada bitta umumiy baho örniga talabaning öqiş vainstitut muhitidagi keçinmalari bilan boğliq turli körsatkiçlarni bir joyda köriş mumkin böladi.