Yangi O'zbekiston armiyasi— mamlakat qudrati, yuksak g'urur va sadoqat timsolidir

Termiz davlat pedagogika institutida 14-yanvar "Vatan himoyachilari kuni" munosabati bilan  "Vatanparvarlik haftaligi" doirasida "Yangi O'zbekiston armiyasi— mamlakat qudrati, yuksak g'urur va sadoqat timsolidir!" nomli bayram tadbiri boʻlib oʻtdi. 
Tadbir avvalida, O'quv ishlari bo'yicha prorektor P.Tojiyev so'z olib, barcha o'g'lonlarni Vatan himoyachilari kuni bilan tabrikladi. Shundan so'ng, Termiz garnizoni ma'naviyat va ma'rifat markazi harbiy orkestr jamoasi va 11-506-harbiy qism jangchilari tomonidan tayyorlangan sahna ko'rinishlari hamda O'zbekiston Respublikasi Davlat xavfsizlik xizmati Janubiy okrug 92-32-harbiy qism jangchilari tomonidan Jangovar harakatlar va xizmat itlari bilan sahna ko'rinishlari namoyish etildi.
Yakunda, iqtidorli talabalar tomonidan ajoyib sahna ko'rinishlari,  harbiy hazillar, "Askar qo'shig'i" va "Leytenant" nomli qo'shiqlar ijro etildi.

Oliy ta’lim, fan va innovatsiyalar vazirining 2023-yil 9-avgustdagi “Talaba va yoshlarning bo‘sh vaqtini mazmunli tashkil etish to‘g‘risida”gi 351-sonli buyrug‘i kalendar rejasining 31-bandi bo‘yicha joriy yilning 12-yanvar kuni Termiz davlat pedagogika institutning professor-o‘qituvchi va talaba yoshlari o‘rtasida Vatanparvarlik g’oyalari targ’iboti asosida vatan himoyachilari faoliyati bilan tanishtirish tadbirlari hamda bayram tadbiridan so‘ng Termiz shahrida joylashgan Vatanparlik bog’iga sayohat tashkil etildi.