2. Ilmiy tadqiqotchilar olib borayotgan ilmiy ishlari faoliyati tahlili
O‘zbekiston Respublikasi Vazirlar Mahkamasining 2017-yil 22-maydagi
“Oliy ta’limdan keyingi ta’lim tizimini takomillashtirish chora-tadbirlari to‘g‘risida”gi 304-sonli qarori bilan tasdiqlangan “Oliy ta’limdan keyingi ta’limni qo‘yilgan davlat talablari” va “Oliy ta’limdan keyingi ta’lim to‘g‘risidagi nizom”, Vazirlar Mahkamasining 2019-yil 19-iyuldagi “Oliy malakali ilmiy va ilmiy pedagog kadrlarni maqsadli tayyorlash tizimini takomillashtirish to‘g‘risida”gi 606-son qarori, O‘zbekiston Respublikasi Prezidentining 2022-yil 21-iyundagi “Pedagogik ta’lim sifatini yanada oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida”gi 289-sonli Qarorning 3.4-son ilovasi bilan tasdiqlangan “2023-2026-yillarda Termiz davlat pedagogika institutini rivojlantirishning maqsadli ko‘rsatkichlari”da
2026-yil yakuniga qadar institut ilmiy salohiyatini 47 foizga yetkazish vazifasi belgilangan.
Yuqoridagi vazifalardan kelib chiqib, institutda ilmiy va ilmiy pedagogik kadrlar tayyorlash salmog‘ini yanada oshirish maqsadida Termiz davlat pedagogika institutining Oliy ta’limdan keyingi ta’lim institutlarini ochish uchun yetarli ilmiy salohiyat, moddiy texnik baza va boshqa zaruriy sharoitlar mavjudligini inobatga olgan holda ilmiy daraja va ilmiy unvonlarni mustaqil berish tizimini joriy etilishi munosabati bilan institut rektori Xasanov Azizbek Baxtiyarovichning yo‘llanma xati va sayi harakatlari natijasida 13.00.01-“Pedagogika nazariyasi. Pedagogik ta’limotlar tarixi” va 13.00.02-“Ta’lim va tarbiya nazarisi va metodikasi (sohalar bo‘yicha)” ixtisosliklari (keyingi o‘rinlarda 13.00.01 va 13.00.02 ixtisosliklari deb yuritiladi) bo‘yicha tayanch doktorantura hamda mustaqil tadqiqotchilik ochildi. 13.00.01-ixtisosligiga 3 ta 13.00.02-ixtisosligiga 7 ta kvotalar olindi, doktoranturaga qabul qlish imtihonlari tashkil etildi va tayanch doktoranturaga jami 10 nafar talabgorlar qabul qilindi.
2025-kalendar yilining 1-choragi uchun daraja.ilmiy.uz sayti orqali yuklagan mustaqil tadqiqotchilikka talabgorlarning hujjatlari atroflicha o‘rganib chiqildi va 13.00.02-ixtisosligiga 2 nafar talabgorlar suhbat asosida mustaqil tadqiqotchilikka qabul qilindi.
Joriy kalendar yilining 2-choragi uchun 13.00.01-ixtisosligiga 20 nafar va 13.00.02-ixtisosligiga 26 nafar talabgorlar suhbat asosida mustaqil tadqiqotchilikka qabul qilinib, jami 46 nafarni tashkil etadi.
Tayanch doktoranturaga va mustaqil izlanuvchilikka qabul qilinganlarning Nazariy metodologik dasturi va Yakka tartibdagi rejasi Ilmiy-texnik kengash tomonidan tasdiqlandi hamda daraja.ilmiy.uz saytiga izlanuvchilar tomonidan joylashtirildi.
2025-yil 1-choragida qabul qilingan ilmiy tafqiqotchilarning bajargan ishlari yuzasidan monitoring
Innavatsion rivojlanish agentligi ruxsati bilan yangi 5 ta ixtisosliklar: 10.00.02- O'zbek adabiyoti, 19.00.05 - Ijtimoiy psixologiya. Etnopsixologiya, 19.00.06 - Yosh va pedagogik psixologiya. Rivojlanish psixologiyasi, 02.00.14-Organik moddalar va ular asosidagi materiallar texnologiyasi (Kimyo fanlari), 11.00.05-Atrof muhitni muhofaza qilish va tabiiy resurslardan oqilona foydalanish (Kimyo fanlari) (keyingi matnlarda ixtisosliklar shifri 10.00.02, 19.00.05, 19.00.06, 02.00.04 va 11.00.05 deb yuritiladi) ochildi va daraja.ilmiy.uz saytida ruxsat berildi
Ixtisosliklar soni 2 tadan 7 taga oshganligi, 2025-kalendar yilining 3-choragi uchun daraja.ilmiy.uz sayti orqali yuklagan mustaqil tadqiqotchilikka talabgorlarning hujjatlari atroflicha o‘rganib chiqilib, suhbat asosida 13.00.01 ixtisosligiga 41 nafar, 13.00.02 ixtisosligiga 40 nafar, 10.00.02 ixtisosligiga 12 nafar, 19.00.05 ixtisosligiga 1 nafar, 19.00.06 ixtisosligiga 3 nafar va 11.00.05 ixtisosligiga 1 nafar mustaqil izlanuvchilikka qabul qilinib, jami 98 nafarni tashkil etadi.
Institutga tayanch doktorantura va mustaqil tadqiqotchilikka 2025-yilning
1-, 2- va 3- choraklarida umumiy 156 nafar tadqiqotchilar qabul qilindi. Qabul qilingan mustaqil tadqiqotchilarga bajaradigan ishlari yuzasidan tushunchalar berildi va har chorakda bajargan ishlari yuzasidan monitoring qilinishi ta’kidlandi. Shu bilan bir qatorda Nazariy metodologik dasturi va Yakka tartibdagi rejasini tasdiqlatish vazifalari yuklatildi.
Innovatsion rivojlantirish agentligiga 2026-yildan boshlab tayanch doktorantlar uchun davlat budjeti mablag‘lari hisobidan qabul kvotasiga talabnoma berildi. Bunda 13.00.01-“Pedagogika nazariyasi. Pedagogik ta’limotlar tarixi” ixtisosligiga 10 nafar, 13.00.02-“Ta’lim va tarbiya nazarisi va metodikasi (sohalar bo‘yicha)” ixtisosligiga 10 nafar, 10.00.02.- O'zbek adabiyoti ixtisosligiga 7 nafar, 19.00.05 - Ijtimoiy psixologiya. Etnopsixologiya. ixtisosligiga 4 nafar, 19.00.06 - Yosh va pedagogik psixologiya. Rivojlanish psixologiyasi ixtisosligiga 3 nafar, 02.00.14-Organik moddalar va ular asosidagi materiallar texnologiyasi (Kimyo fanlari) ixtisosligiga 2 nafar, 11.00.05-Atrof muhitni muhofaza qilish va tabiiy resurslardan oqilona foydalanish (Kimyo fanlari) ixtisosligiga 1 nafar, jami 37 nafar kvota so‘raldi.