Yormatov Faxriddin Joylovovich

Blog
04-07-2022 873

Yormatov Faxriddin Joylovovich

Yormatov Faxriddin Joylovovich. 1973 yil 26 fevralda Angor tumanidagi Tallimaron qishlog‘ida tug‘ilgan. 1995 yilda Termiz davlat universitetining tarix fakultetini tugatgan.

2010 yil 26 noyabrda “O‘zbekistonda aholini ijtimoiy himoyalash tizimi: holati, shakllanish jarayoni va rivojlanish istiqbollari (1991-2010 yillar. Janubiy viloyatlar misolida)” mavzusida nomzodlik dissertatsiyasini muvaffaqiyatli himoya qilgan. Tarix fanlari nomzodi, dotsent. 2020 yil dotsent ilmiy unvoniga ega bo‘lgan.

Yormatov Faxriddin Joylovovich tomonidan o‘zining ilmiy faoliyati davomida 130 yaqin ilmiy va ilmiy- ommabop maqolalar chop etilgan. 50 ga yaqin Respublika va xalqaro ilmiy- amaliy konferensiyalarda o‘zining qiziqarli ma’ruzalari bilan qatnashgan. 2018 yilda “O‘zbekistonning janubiy viloyatlarida aholining ijtimoiy himoyasi (1991-2017 yillar)” nomli monografiyasi 2020 yilda, “Surxondaryo viloyati tarixiy ekoturizm salohiyati” nomli monografiyasi hammualliflikda nashr etilgan. Bundan tashqari “Xronologiya va metrologiya” va “Jahon tarixi” fanlari bo‘yicha uslubiy qo‘llanmalar muallifi. 2018-2019 yillarda IZ-20170927504 - “Surxondaryo viloyati tarixiy ekoturizm salohiyati” mavzusidagi ilmiy-amaliy loyihaga rahbarlik qilgan. Yormatov Faxriddin Joylovovich o‘z ilmiy ishini davom ettirib, “O‘zbekistonda nuroniylarni har tomonlama ijtimoiy qo‘llab-quvvatlash tarixi (1991-2020 yillar) mavzusida doktorlik dissertatsiyasi ustida ilmiy izlanishlar olib bormoqda.

Hozirgi vaqtda Termiz davlat Pedagogika instituti tillar fakultet dekani lavozimida ishlab kelmoqda.